Remo Benzi

Vai ai contenuti

Menu principale:

In scia Lanterna

Tenerezze e ricordi

In scia lanterna


Ti ghei mai steta in scia lanterna
a vedde Zena tutta illuminà
na luxe pe u mainà e a lunn-a a pà ormezzà
na china che a pa ninà da u maa


Da là ti veddi u ma cu fa da spegiu
ae navi e ai meu, là duve sun attracchè
mentre de datu, gianchi cumme a neie
zegan i ochin, quesci pan innamuè


In sciu levante, là suttu a Caignan
ti veddi a vegia gexa de San Luensu
in mezo ae turi che se issan da u cian
veggiando u portu antigu ormai in silensiu



U Righi, in po ruffian de tanti amanti,
u pa drentu a in-a custellassiun
in mezo ae luxi, quaexi parpellanti
che dan au cheu in sensu de magun


Te pà, che te riturne a zuventù.
amiandu Zena bella e incornixà
mentre chi in scià Lanterna, un po' de bressa
porta i ricordi che nu so scurdà.



Remo Benzi (2002)

 
Torna ai contenuti | Torna al menu